الموقع الرسمى لمدينة فوه

الموقع الرسمى لمدينة فوه , اهلا وسهلا بيكم فى الموقع الرسمى لمدينه فوه, مدينه فوه , مركز فوه , مركز ومدينه فوه , فوه , فوة , فوه مدينة وتاريخ


    خمسه فرفشه

    شاطر
    avatar
    Kimoo
    مشرف منتدى
    مشرف منتدى

    ذكر
    الابراج : القوس
    عدد المساهمات : 432
    نقاط : 7903
    السٌّمعَة : 9
    تاريخ التسجيل : 14/07/2009
    العمر : 25
    العمل/الترفيه : طالب
    المزاج : fokkak meny

    خمسه فرفشه

    مُساهمة من طرف Kimoo في الثلاثاء أغسطس 18, 2009 12:49 am

    مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين .



    واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!



    واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه



    واحد بخيل قام من النوم الصبح وطلب من مراته تحضر الفطار، فقالتله عايز تفطر إيه قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس "



    كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا



    مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!



    ولد مغلّب مدرس الجغرافيا معاه ليه؟؟؟؟؟؟؟ عاوز يعرف خط الاستواء ده كليك ولا موبينيل



    الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا



    بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر



    واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة



    ثلاثه صقور اتراهنوا على الصيد راح الاول ورجع في منقاره دم قليل... قال لزمايله شفتوا الشجره اللى هناك دى؟ قالوا أيوه قالهم انا اصطادت عندها أرنب ...... راح الثاني ورجع في منقاره دم كثير قال شفتو الصخره اللى هناك دى؟ قالوا أيوه قال اصطادت عندها غزال .... راح الثالث وهو أغبى واحد فيهم ورجع وكله دم قالهم شفتوا العمود اللى هناك ده؟ قالوا أيوه قال أنا ما شفتهوش





    واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر قاله ابونيه ... فماخدش منه فلوس.... فصاحبنا عجبته الفكرة قوى ... ركب مرة تانية مع مراته و ابنه... فالكمسري قاله تذاكر قاله انا ابونيه و دي ام نيه و ده نيه بذات نفسه



    مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل



    واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو






    بخيل اخذ ابنه الى السوبر ماركت، اخذ الولد بسكوت وشوكلاته قال يابابا
    بحبه قال الاب بوسه ورجعه



    مجانين حط لهم الدكتور أغنيه ... قامو يرقصو الا واحد !! قال له
    الدكتوور ليه مش بترقص قال اصل انا العروسة





    مرة ديك بيقول لفرخة تتجوزيني عرفي قلتلة ده بابا يدبحني





    مهندس كمبيوتر، حلل دمه، طلعت فصيلته Hp





    مرة واحد بيحلم كل يوم بماتشات كتاكيت... راح للدكتور... فقاله هديلك
    حقنة دلوقتي ومش هاتحلم بيهم تاني خالص... قاله
    خليها بكرة يا دكتور علشان النهاردة ماتش النهائي





    زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله






    مرة حرامى دخل على واحد مسطول البيت قالو هات فلوسك و الا هقتل مراتك قام الرجل
    قعد يضححححك...الحرامى قتل مراته وقاله هات الفلوس قبل ماقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر




    واحد سكران كان بيعاكس وحدة وحشة اوي بالليل فكان بيقول لها يا وحشة يا وحشة راحت ملتفتة ليه وقالت له
    يا سكران راح قايل لها طب أنا سكران حفوق بكرة .. وانتي ؟؟



    عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها



    محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام




    واحد بيسأل خطيبته : حد قبلي لمس يدك ؟ سكتت قالها : زعلتي قالت
    لا : بأعدهم




    عملوا جائزة مليون جنيه للي عنده 10 عيال.واحد عنده تسعة قال لمراته أنا كنت
    متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده



    واحد قال لابنه روح ولعلى السيجاره من ولاعه نزل متلقاش ولاعات فطلع لابوه فابوه اله
    ولعها من كبريت نزل متلقاش كبريت فطلع لابوه قله متلقتش كبريت اقه انت فقر اطفى الشمعه الى جنبك ونام






    مرة واحدة ست بتقول لجارتها الحقيني يا أم محمد بعت جوزي يجيبلي
    ملوخية راح مخبوط بأتوبيس ... يالهوي وعملتي إية .. عملت بامية وامري لله





    طفل صغير سال امة ازاى انا جيت الدنيا قالت له حطيت شوية سكر تحت
    السجادة لاقيتك جيت ... راح الطفل حاطط شوية سكر تحت السجادة... يومين و
    لاقى صرصار فقال له لو مكنتش ابنى كنت قتلتك غوور فى ستين داهية





    غبى شاف مقهى انترنت مكتوب عليه الساعه بــ 3 جنيه .... دخل يسأل
    هي ضد المية ؟؟




    اتنين سكرانين ماشيين...فواحد قال للتاني:لما أموت ابقى اشرب لي الكاس
    بتاعي ....فصاحبنا مات ، وبعد كام يوم التاني راح البار وطلب كاسين... قاله:
    ايوه بس انت لوحدك.... فحكى له على الموضوع .....وبقى كل يوم يشرب
    كاسين...لحد ما فى يوم طلب كاس واحد ........الراجل قالوه اشمعنى...قاله:
    اصل انا بطلت اشرب




    مرة اربع صعايدة داخلين امتحان فجلهم سؤال فى الامتحان وهو كام
    عدد ارجل المعزة فكلهم سألو صاحبهم حسنين وما كنش بيرد عليهم فالما خلص
    الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
    المعزة






    تلاته اندال اتفقوا يشوفوا مين اكتر نداله الاول شاف راجل عجوز
    عايز يعدي الشارع مسك ايده و سابه في نصف الشارع واتاني عداه وضربه
    التالت ضحك وقال انا اكتر نداله الراجل ده يبقي ابويه





    اتنين مساطيل سايقين عربيه واحد بيقول للتانى حاسب هنخش فى الشجره والتانى منفض له حاسب ياعم والتانى
    ولا فى دماغه يا عم حاسب المهم خبطو فى الشجره الاولانى اله مش التلك حاسب هنخبط فى الشجره التانى رد عليه اله ايه يا عم مش انتا الى سايق




    واحد كسلان أتحكم عليه بالإعدام بدفنه في حفره فقالوا له نفسك في أيه قبل الموت قاله
    نفسي أشرب قالوا له قوم أشرب قال لسه حقوم اردم يا جدع




    مرة اتنين صعايدة ميتين من الجوع واحد قاله عاوز تاكل قالوا ايوة قالوا تعال معايا قالوا
    لالالالا روحت انت .. قاله تعالى بس و مكلش دعوة .. قاله ماشى.. راحوا اكبر مطاعم فى مصر راح نده على الجرسون طلب كل حاجة لحم وملوخية ويبص تحت الترابيزة لقى فار قتل الفار وحطه على الملوخية وزعق انتم عاملين ملوخية بالفران انا هبلغ عنكم وخلاص من الحساب راح لزميلوا قالوا انا عملت كدة .. يلا بقى قلدني .. راح التانى يعمل زيه و طلب كل حاجة وعند الملوخية الجرسون قالوا معنديش ملوخية.. الصعيدى قالوا ابة امال احط الفار دة فين !!

      الوقت/التاريخ الآن هو الخميس ديسمبر 13, 2018 6:21 am